सिमां"-नों फोथांना लाखि

"सिमां"-नों फोथांना लाखि।
(नोंनिसिम आंनि मिजिंथिनाय)
                              ✍️ अजित बसुमतारी (चेन्नाइ)

गावदांङै सिरिमोनखां फैनायनि सिगां
जोनोम ख'थायाव सिरियै जिरायो आं
सानबोलावरियाव दुगैनाय सिमांजों

लान्दां बिखाया नागिरो सोर्गोनि हाथर्खि
जाउनाव सावना लुफावफैयो गोरबो‌ बुंजासे
मोनाबिलि रुगुंसिम स'हैनायनि सिगां

रोजा खायमायाव आन्दायनाइ आगानाबो
दोलो हाब्रुआव गोथां हां बोदों मोन्दांथिजों
होलांनाय सिमांफोरा खेजेंङै बिग्रायफैदों
नों खोनादोंना बिसोरनि गाबख्रावनाय

बेनिखायनो नोंखौ एंगारलांनायनि सिगां
नोंनि आखायाव ग'थायगोन मोनसे सिमां
बिखौ नों फोथांनानै लाखि।