आंखौ रायदावलां

आंखौ रायदावलां।।
                   ✍️ अजित बसुमतारी, चेन्नाई।

बिदिन्थाया होफैयो
नों फैनायनि गुमुर
गोर्बोआ सिरिमोनो
जरासे मेगना नागिरो
होंगो-दोंगो सुबुंनि जाहाराव
नाथाय नुनो मोना नोंखौ
थेवबो आं फोथायो
आंनि मेगन सिगांजों फैथारगोन

फैफिथारगोन‌ नों
फागुन जाना सानसे
बैसागनि गोरलै बिलाइनो
सिमां होफैगोन दावगानो
आरो रायदावलांगोन बयनिबो जौमोन गोर्बो
फोथायथि दबायाव आलोयै जिरायनो

बेनिखायनो आंबो नेनानै थागोन फुं - मोना।