दैज्लां

दैज्लां
               ✒️अजित
              🏙️ Chennai

मोनाबिलि फैसालिया गोग्लैहांदोंल'
आंनि लांगोनाजों सरजाबनाय दोंसे हाइवेआ
जिरोन गैथारै खुदुमजादों
फालोसे दावरिया जोमैनि दाहागोनां मोदैजों
गुसु बारनि हुब्लिरनायाबो होफैदों
बयनिबो मोखांआव देरा फारसे हांखुरथि

जानांगौ गोबावमानि जाथारबायमोन
दाखालि एंगारलांनायनिफ्राय बैसोमुथिखौ गोबा फैफिनाया
जिउमाफोरनि अनलायनायखौ नों बोराबथारबाय जानांगौ
जाउनाव हरखाबै सिफायफैयो सुबुंनि दिदोम न'बथि

लामानि अन्थायफोरा बर'फजों दाजादों
फाजाथि ज'बानि आंगो आखायफोरा बुफायजादों
दावसिनफोरा जोमै नायदावना रैखाथिनि बासायाव जिरायहैदों
सुबुंनि सिमांफोरा एमसायाव सिरिमोनै उन्दुलांदों

मिथिनो लुबैदों
बबे डिसाजों आरो माबादि गाबजों फैगोन
फालो फालो गोर्बोआ अबंनाव सोंहरदों
आरो हास्थायदों बे दैज्लांआवबो
जिउ बुखारनार एबा आंगो दैखारलांनाय दाजाबावथों।