गोरबोनि बेखेवजायै मोनसे मोकथां

गोरबोनि  बेखेवजायै मोनसे मोकथां।।
   ✍️ अजित बसुमतारी, चेन्नाइ।

फैदोंमोन
नाथाय थांफिनबाय
गासैखौबो सिफाय लांफिनबाय
फोथायथिखौल' नोंनो ह'रफाहाबाय

बियो मोनसाजों एंगारलांबाय
आरो आंखौ गिदिंनानै नायफिन्नाय नंलिया
बेनिखायनो गोर्बोआव थानाय अ'न्नायनि जिउसाफोरखौ
नायजोर नायजोर फासि होनो सानबाय
मानोना अन्थाइ बिखा सुबुंनि सानथिफोराबो
बुहुमनि बायदि सावगारिजों साजायनो हमबाय

बेयावनो थुंगेहोनाय जाथोंसै
बेसेनगोसा समावफोराव नोंनि मोदै हुगारनो फैनाय
लामायावबो दिनैनिफ्राय गंसे वाल सोरजिनाय जाथोंसै
बेजोंनो थारखौ फोरमान होनो
नोंनि आरो आंनि सोमोन्दोनि गाबखौ
आन्डलेड नांनाय मेगन आरो रानख्र'बनाय गोरबोनो

नाथाय लांफाथार आंनि फोथायथिनि ज'लंगा
सानसे खेवनानै नायबा नुगोन गोबानाय मुलुगखौ एंगारना
जेरै नों एंगारलांदोंमोन बिदिनो हमदांहागोन।।