सोर्गो सहैनायनि लामा नेदों।
@अजित बसुमतारी,चेन्नाइ
फैयो माबा नागिरफैयो
आबिर गाहोफैयो होंगो-दोंगो
गेलेफैयो बायग्लिनाय सिबायाव
अलंखार दानाय आसिफोरा
बोयो मिजिं सावगारि
सिमांफोराबो देलायो गोसोनि आइनायाव
फागुननि बायलुं देंखोजों
आबिर गाहोफैयो होंगो-दोंगो
गेलेफैयो बायग्लिनाय सिबायाव
अलंखार दानाय आसिफोरा
बोयो मिजिं सावगारि
सिमांफोराबो देलायो गोसोनि आइनायाव
फागुननि बायलुं देंखोजों
नाथाय जौ सिमांनि गंसे फेरिया
मोदैजों बायग्लियो
नोंनि गोर्लै गाथोन नागिरना
मोदैजों बायग्लियो
नोंनि गोर्लै गाथोन नागिरना
बेयो ह'र गेजेरनि नायजाबसो नंङामोनथ'..?
मोगथाङाव हास्थायब्लाबो नों फैलिया
बेनिखायनो आं दा सिरियै जिरायदों एबा
रुजुजायै मिजिंफोरजों
बोराबनाय गोर्बोजों
सोर्गो सहैनायनि लामा गंसे नेदों।
बेनिखायनो आं दा सिरियै जिरायदों एबा
रुजुजायै मिजिंफोरजों
बोराबनाय गोर्बोजों
सोर्गो सहैनायनि लामा गंसे नेदों।
ajit.basumatary.blogspot.com
No comments:
Post a Comment