माइलस गोजानाव नों

"माइलस गोजानाव नों"
                                 ✍️ अजित बसुमतारी, चेन्नई

थरसे अलंबार नागिरदों
बे अलंबारानो गले-गले सोगाबनाय
गोरबोनि जाहोन फोरमायनो,

थरसे हाथर्खि नागिरदों
गंसे अ'खोरांआ जोमैजों खोबजानायनि सिगां
आं माबोरैबा रंजाखांगोन फोरमायनो,

बिबारनि मोदोमनाय जाना फैदों
गेवलांनायजों जौमोनखौ बेखेवनो
बेसेदि हांखुर मोनसे गोसो जेबो दावहानि

नैबे सिरिमोनखांनाय जौमोननि सोदोबाबो
सोंलुफोरखौ नागिरै
नोंनि गोरबो दर्जासिम स'फैयो
गोथां सिमांफोरनि जलंगाजों नोंखौ फोजाखांनो,

जोबोद आंगोथारमोन सानसे
आखायाव हमथानानै खोमानो लुबैयामोन
बोरै मोननो दा नोंनि मिनिस्लुनाय
माइलस गोजानाव थाबोनाय गाथोननिफ्राय।।