गंसे न'

गंसे न'
                 ✍️अजित बसुमतारी
                 🏡 चेन्नई,IND

दा उरि राजानि बोलो सुनाय
सांग्रेमा दोलोनि सिमां सुजुनाय
मोदाइ बिगोमाया जिउ बिख'नाय
जारिमिन सोरजिनाय गुदुं बार
खोमसि साग्लोबनाय अरगा मोनाबिलि
सोर नुनो हायो दा थांना थानायनि एबा
बयबो थांना थानो हानायनि सिमां
बे नख'रनि मोनफ्रोमबो ख'थायाव ?

आं दा गिखांदों गोरबोआ गाबखांदों
जिउनि बिदिन्थाखौ सम जायैयाव सिख'नायनि
नंगुबै लामा फोथायखेबस' खालामनायनि
सोरनिबा आगानाव सोरबाया हाब्रु सारनायनि
जिउनि ओंथिखौ मानोथो सुनायनो रोङाखै
साखाथियाव गसंनाय हाजोमाजों
मानोथो बुजिनो रोङाखै नों सुबुं
अ'खाफोर उन्दुस्रिनाय सिबायाव
गोजा आबिरजों होंगो-दोंगो सुबुंनि गेलेनाय दाहार

समखौ दानेवसिसै
बेयो जोबोर गोख्रैयै खारखुमादों
मावनांगौ आखायनि हाबाफारिनिफ्राय
बेयो जोबोद गोख्रैयै आनज्रायलांदों
जिउनो गंसे न' सोरजिना होनांगौ थांखिनिफ्राय।।