सोरनि थाखाय?

सोरनि थाखाय?
                    ✍️ अजित बसुमतारी

नोंजे मेगनि आन्दोआव
नुसयै गोर्बो ख'नायाव सिरिमोनखांनानै दं
माब्लाबा खन्थायनि दुखुथिया सोदोबजों
एखनबा मेथायनि सिरियाव दाहानि जिलिदजों
मोन्दांथि होफैयो नों,

नोंनि अरगें बिखायाव
मिजिंआ ‌बिरबायो गंसे साथा नागिरना
सुफुंहायै निखावरि जलंगाजों
खुद्रिनायखांनाय बिखा सरजाबनो

गोसो गावस्रानाय गंसे गोर्बो सोरजियो
सिमांखौ मोगथाङाव सिफायलांङो
आंनि जौमोना सिनायमोननो हास्थायो
नोंजे फागुननि लामाजों
लाबोयो रैसुमै देंखोनि मेथाइ
होफैयो गोर्बो गेलेमनाय उदां बार
बेयोदि दिनैबो आंनि थाखायनो?

__________&&___________