दैज्लांनि दाहा

"दैज्लांनि दाहा"

                अजित बसुमतारी, चेन्नाई

जेब्ला नोंनि सहराव जोमै साग्लोबो
जानांगौ मिजिंफोरखौ एंगारना
जिउखौसो दोनखोमानो आथुर
दैज्लांआ मोनहास'हायै गुफायाव

दाखालिसो होलांनाय दैज्लांनि सिबायाव
स'लादेङै उन्दुलांनाय गसायनि अनथोबफोरा मोखथांआव
गिथावना मांख'रसालि सोरजिलांबाय

जारिमिनाव सिथाबनाय दाहानि बे समावनो
दिनैबो अ'खोरां गंसे खोमसि
गंसे सुबुं फोथाराबो बेनिनो दाहाजों दरसि

दा बयबो मिजिंखौ लानानै गिनाय
बयबो इउनजों संखिखांनाय
बेनिखायनो बयबो हास्थायदों
दाफैथों जिउमा लांखारनाय
एबा आंगो सिख'नाय बारहुंखा

दिनै‌ गिदिंबोफिन्नाय दैज्लांजों  ।।।