मोखां गाज्रि

मोखां गाज्रि।
                    ✍️ अजित बसुमतारि, चेन्नई

हरबादि मोखांफोरा
दरसि हरनि अ'खाफोरजों मिनियो
ह'रसे सिमां ज'मो
खोमसियाव जाल्मा सोंथेयो
खाबुआव गोथां सहफोरखौ बुख्लाबो
जेबो सिनायथारा बिसोर
सोरनिबा आंगो सिफायनायावबो सान्नांगौ गैया

सोरबादिजों जोनोम होजायो
मा थांखिजों बबे मोनसे लामानि
बिहाजे अन्नो हानाय बिखायानो गैजाया
गावखौ जुनार आखुनिफ्राय सोलायहोनोबो नाजाया
थांना थानायनि खान्थिजों मानोबा गोरोबथारा
बेनिखायनो सुबुंनि गोरबोफोरा मानोबा साहसगोरा‌ नंङा
बिनि खोमसि अ'न्दरनि गोरबो खाथियाव

सोर बादिखौ गिनाय दं नोंहाबा
सोरनि आखायाव दा नोंखौ फेजेननो हानाय गोहो दं
नागिरो बयनिबो गोर्बो मोखां दांग्रोमना- नाथाय गैया
थेवबो दमन खालामनो नाजादों खौसेथिनि हाथियारजों।