गोथैसालि

गोथैसालि।
(मोन्दांथि)

                  अजित बसुमतारी, चेन्नाइ

सोलेरनि मोदोमनायजों जुफ्रि बिखुं सा सा
फालो दावखा सिलाफोरनि रंजानाय
जानांगौ सोरबा मुंदांखा सुबुंखौ बरायदों
आरो सोरखौबा बिदाय होदों

जानांगौ बेयाव
मोनसे जिउमा आस्र'य लानो फैदों
गिदिर फिसा मिजिंफोरनि सह'खौ
बेयावनो थुंगेहोनाय जागोन
नोरोकनि बायदि खान्थिजों
हालि आखायफोरनि गले-गले बिनायजों
सोर्गो स'हैनांगौनि हास्थायनायजों

जेरै फैदोंमोन
दा बिदिनो थांफिनांगौ जादों
बिजि खान्दानि समानबो लांफाहायाखै
नाथाय बियो होलांदों
रोजा मेगनफोराव दाहानि मोदै!