दोनखोमाजानाय

जाहोना दोनखोमाजानाय

✍️अजित,चेन्नाई

बै अ'म्बासि ह'रनिफ्रायनो
आंनि गोर्बोजों नों दंमोन
समनि अंग'जों खारफायै खारफायै
जिवनि लामा नागिरनाय समनिफ्रायनो
सुखु दुखुनि आगानाव आंजों थाफैयोमोन

दिनैनिफ्राइ आंगोथिआ सोमबेलाङो
दिनफोरा खोमसिजों सोरांबोयो
बिषगोनां जायो सिमांनि लामाया
फोथायथिनि फायखि जामब्रिलांनायाव
सोंथिफोरा सैथोखौ नागिरबायो
सिदोम अ'न्नायफोरा मेगनजों बोहैलाङो...

दरसि गंसे सोहोरा गोसोखांथियाव
गोरबोसिंनि गाबनायजों रिंगोमायो
सानस्रिफोरा थैगोमायो
जिव बिनाय गोदान जेंनाजों
आबेगनि रावखौ फोरमायो
मेगननि बोहैनाय थैसामा
थेवबो एंगारलाङो स'हखौ मिथिमोनै जाहोनजों।