एंगारलांनायनि आन्दोआव

✍अजित बसुमतारी,चेन्नाइ

सानसे नों एंगारलांगोन
अन्नायखौ नेवसिलांगोन
बै बुब्लियाव बिसनि रोदा सुगोन
बै बुब्लिया मिनिरोङै अरगें जानानै थालांगोन;

आं खामग्लिगोन
दाहानि बार हुंखाया मिजिं सिफायफैगोन
नों मिथिमोनै सुजुनाय मिजिंफोरा
सानफा एफा सोलेर एंगारना थैलांगोन
नों होनाय आथुमसे गुस्थिनि मिनिनाया
जिवनि जोबथा हां बोगोन,

दिनैबो नों सिनायमोनै जानानै थायासै
आंगो नंआमोन, थेवबो आंगो जायालासे थायासै
मिजिंजों दावगाबोनाय आलासि
थारैनो नों गिदिंलांफिन्नो ओंखारबाय;

आं  दुखुखौ दोनखोमागोन
दाहाखौ सिखोमागोन
जिवनि मोनफ्रोमबो बिलायाव
दाहागोनां जिवनि मेथाइ आरो खन्थाइल' लिरजालांसिगोन।