✍ अजित बसुमतारी
चेन्नाइ, तामिलनाडु
14-Sep-2019
एंगारलांबाय गंसे गोदान हादान
जायहा नोंनि गोनांथि दंमोन बिहाल' स'हायनांबाय
आंगो जाना थालांआसै नों न'खराव
उदांस्रि सोरजिनायनि मिजिंखौ
दावहा थिलियाव फोजोबनानै
जाफुंनायनि सिगां मावरिया खालामलांबाय
नों एंगारलांनायनिफ्रायनो
गुफुर दावथुवा गोजोननि इसाराजों बिरलिया
गोथार हादाबाव खौसेथिनि मेथाइ रोजाबजालिया
मुंख्लंजों सिथाबनाय सिमांफोरा
सुबुंनि आगानजों गोरोबना थाबायलिया
खुद्रिखांलिया बारबोहायै गोथां जिवफोरा मिजिंखौ लाना
मिजिंसिम सौहैनो गंसे दालां लुनांगौ दंथारो
नाथाय गावनि न'खरावनो मिजिंआ नेवसिजानाय
सोंथिनि लेवाजों मानग्लोबजानाय
लेवाद बेद्लावजों जु जु गोथां थै लोंजाबाय
सोरबाया नंखायनि बोलि जानांबाय
बेनिखायनो लुफुंनांगौ दं गंसे खौथिनि दालां।
XxxxxxX
No comments:
Post a Comment