सुस्रांजायै न'खरनि जेंना।

सुस्रांजायै न'खरनि जेंना।
           ✍️अजित बसुमतारी, चेन्नाइ

रोजा गोरबो आरो मेगननि आन्दोआव
खैफोदनि फान्दायनाय
लोबलोब आखाय आथिंफोरा
मिजिंखौ दमन खालामनो सिखा-रुवाजों होसोयो
अंग' गारै गारै जिवमाफोरा
सोर्गोआव आस्र'य लाहैनांङो

बिसोर अरगें बादि गसंथेनाय
बिसोर अ'न्थाइ बायदि गोरा
बिसोर मोसा बादि रागा गोसा
बिसोर गोहोजों _
सोलेर खाख्र'बना मिजिंखौ फासिहोनो नाजायो
बिसोर सोलोजों _
जारिमिन हांखोफोराव गोसोम गाब फुनो नाजायो
बिसोरनो जोंनि ख'रनि जेंसि
बिसोरनो जों थाबायनाय लामानि सु

बे न'आ खैफोदजों गुलुंनाय
सोरगिदिं बेद्लाव-गान्द्लेदनि ब्लिउ ब्लिउ
न'नि सोरगिदिं गुदु हाग्रायाव
गांसोम जिबौनि जिउ नागिनाय उदखारि
बे न'नि सुबुंफ्राबो मेंग्लिनाय, बयबो उन्दुस्रिनाय
गावजों गाव मोनसानि‌ जिउ खुंनाय
बेनिखायनो बयखौबो फोजानांगौ जाना दं
आरो बोस्रांनांगौ दं खर'नि जेंसि।