एंगारबोनाय दाहानि गोरबो

एंगारबोनाय दाहानि गोरबो
                        ✍️ अजित बसुमतारी, चेन्नई

आं दिनै‌ स'फैबाय
नोंखौ फोजानो गोर्बो फोजानो
नोंनि मेगनि मोदैखौ हुगारनो
नों हास्थायनाय मिजिंखौ दाफुंनो
आंगो रायजो एंगारना

सिनायमोनै नैबे गलाब रायजोआव
सिनायमोनै सुबुंनि आत्मा आरो मेगन
बुजिमोनै रावनि सोंलुफोर
आं माबोरैबा जागायनो
हरनाय थंखौ संदाननो एबा
हारसिं माबोरै दावगानो

मोनाबिलियाबो जोबोद गोब्राबै
गोसोम खानाइ बिलायजों
सुबुंनि अरनखौ बग्लाबबायमोन
थेवबो बिसोर अनसुलामोन फोथायजावमोन
बिनिनो आखायजों
बुजिमोनै रावाव फावजों
स'फैदों खैफोद गैयाजासे
मिजिंनि गंसे न' नागिरना

आंहा लुबैनाय गैथारामोन
नोंनि मेगनि आन्दोआव
गावनि गोसो सोलेरखौ सिखोमाना दोननो
आरोबाव आं लुबैयाखैमोन
नोंनि बिखागावनाय रावफोराव
नोंखौ एंगारना अननाइनि बान्दो खेंब्रुदनो
थेवबो आं एंगारबोनांबाय
गले-गले बुब्लिनि फोजाखांनायाव
गले-गले गुदुं बारनि नारसिनायाव
नोंनि दाहा अन्नाइखौ नेवसिना।।