माब्ला गिदिंफिनगोन

@ माब्ला गिदिंफिनगोन @

बारजों गोजावनाय बिग्रायारि सिमांफ्रा
हां थिफु थिफुयै मेंग्लिनाय
दा बिसोर लांथियायै गिदिंबायो
सावोननि अ'खायाव बिगुर रोजायै
नोंखौ नागिरना

समनि रुंगनाया जिंगाहोदों फैगौ बुब्लि
मानो दा एसेबां गोबाव खालामखो
जिवनि गोजा गोथां गोमो गाबखौ
डाइरियाव लिरख'नायनि मुंआव

गोसोयाव सोंथि बेरखांङो
नोंनि बिखायाखि आंखौ नेबावदोंदा
मेगननि नोजोराव फोथायहायै सावगारि बेरखांङो
नों गाव होलांनाय रादाय बादियै
आंखौ मोन्नो हास्थायबाय थायोना दाबो

स'माबो गोलावथार जाबाय
स'ना दानाय मिजिंनि जिवमाया
दा सोगोमफैयो थानसाली नागिरना
आंनि गोग्लैसोनाय नबथियाव

बेखायनो आं नोंनि गिदिंबोफिन्नाइखौ नेदों
जेराव ज'रासे गोरबोआ गोरबोनि बेखेवथिजों
मोनसेमानि जोनोमखौ ओंथिगोनां खालामो!

अजित बसुमथारि, चेन्नै