"गंसे अ'खोरां दानि"
एंगारबोनाय सानस्रि
माबा बेदें बेदें बुंफैदों
खोमा सेरावनो बुंफैदों
मा जाहोन मानो बेखेवफैदों
आं गोरबोनि डायरियाव
आसि थुग्रोम थुग्रोम नागिरदों
हिमालय बादि दरसि बिखाखौ
गोलाव आसिगुरजों बुरखा बुरखा नागिरदों
नंगौ सानस्रिफोरा दाबो गोथां थैयाव थांना दं
नोंनि गोरबो मोननो हास्थायनानैनो
साग्रिद आरो सिरि मोनखांनानै दं
गोबावमानि जाबायमोन नोंनि सोहोर गारबोनाया
आसि ज'रा ज'रा सानब्लाबो दा जागायनायखौ मोनलिया
थेवबो नोंजे गोरबो ग'थायनो आंनि लामा नागिरना फैबाय
अ'ब्ला फैदो दानि गंसे अ'खोरां
जोमै गोयै अ'खोरां
नोंनि आंनि फोथायथिनि गंसे अ'खोरां ll
अजित बसुमथारि, चेन्नई
No comments:
Post a Comment