गोथां अ'न्नाय

"" गोथां अ'न्नाइ""
------------------------

आं मिथिगौ जेबो मोन्थाइ गैलिया
नोंनि मेगन मोदैयाव , थेवबो
मोनसे सम थिबाव नों
जुदिबो आखायाव सम मोनोबा
बै समावबो नोंखौनो हास्थायगोन
जेरै आं दिनै...
मानोना आं बायफ्लेथारनाय नोंनि थाखाय,

नुयोमोन अ'न्नाइ मोजांमोन्नाइ
गोसो, मेगन आरो आखायनि फावथिनायाव
नों गिखांबायोमोन, गाबखुमा बायोमोन
माब्लाबा मोजांमोन्नाइनि रादाया
गेमब्रुलांबा मिथिस्लाबै अब'थिरायै!

नाथाय दिनै थांनाय समाव
मानोबा फोरमायलांदिया
गावनि सानथिफोरखौ,

नों मिथिनो लुबैयोना आंखौ?
आं थांनानै दं जानो हागौ
नाथाय जेबो फोथांहादिया
नों एंगार लांसेयावबो
सिबिनो आरो अ'न्नो बावदिया
हास्थायो दाबो नोंखौ
सुदेम बार जाना फागुन बिलिरफैनाय
अखोरांनि जोमै जाना
बोथोरनि खुदुमफैनाय!

---------XXXXXX----------

AJIT BASUMATARY,Chennai.