उदांङै बिरनो हो

"उदांङै बिरनो हो"

गोरोबथानि सावगारि बेरखांनायनि सिगां
बयनिबो दिथौआव बेले- बेजे
सोंनायनि जांख्रिथाय;

बयबो देरहानो,आरजिनो गोजौ मानथाखो
लुबैनायनि थांखियावनो
फिसा-फिसौ कुरुक्षेत्र ;

मेंनाय गैयै गोजान लामा हान्थिबाय
उदांस्रिनि दावहा
नाथाय------
बयबो गोसो आरो मेगननि आन्दोयाव
गावनि से,नै,थाम
सानखान्थियावसो मुखुब नाजा,

बहा गारबोखो नोंनि मिजिं आरो दावहारु
मानो नों बिरहोनो गोसो गैया
एबा बिरगोनसो उदांङै।।

अजित बसुमथारि
सेन्नाई, तामिल नादू