गंसे गोथां देरा

गंसे गोथां देरा"
(आर'नाय 26-03-2017)

समनि गोबार बारहुंखायाव
आं थावरिनो हायाखै
गोबाव सम थांना थानायनि
थ"फ्लासे मिजिंजों।

ग"ले ग"ले आखाय सिफाइदों
फेदेरनाइनि थांखिजों,
समाव गिखांदों--
मानोना आंहा गैयामोन गंसे न"
जोथोनै दोन्नाइनि अरगें बायदि मिजिंफोरखौ।

हायाखै सहायनो
गोरबोयाव गावनाय सार"न्थाइ
आरो बिनिनो दाहा मोदै,
मानोना आं
गोरोबहोनो हायाखैमोन मेथाइनि देंखो
आरो ख"न्थानि सारिखौ
थांना थानायनि गोथों लामाजों
बेखायनो आं मुखुब
"गंसे गोथां देरा"नि
जेराव आं रोदोमदोमै जिरायगोन।
      *अजित बसुमथारि
* सिजौसा,