आं अ'न्थाइ बिखा जाबाय

"आं अ'न्थाइ बिखा जाबाय "
(आर'नाय 10-09-2017)

जिउनि दाहागोनां फायखिफोरा
गोबावनि उनाव दिनै
सागोरनि अ'न्थायबिखा अ'न्थाइ बायदि
म'हर गानो हाबाय ।

दा बियो बोथोरनि सुदेम ख'बामजों
मोखथां बिस'म्बिखौ फांथे फांथे
फिन मोजां मोननायनि खौरां
फोरमायनो नाजाब्लाबो आरो
नायफिनैयाव ह'ब्रा ह'ब्रा गाबब्लाबो
आं नोंखौ आंगो खालामफिन्नो
हाथारनाय़ नंलिया।

बेखायनो नों दाफैसै साखाथियाव
आंखौ एमब्रायै बरायनो जेबो भावथिनाजों
मानोना आं थांनांगौ लामाया गोलाव लावबाय
मावनांगौ आखायाबो बिदिन्थाखौ
नेवसिहायै जाथारबाय ।।