आंगो बिसिनो

 "आंगो बिसिनो "
============
नों आसा खालामनाय बादियै
आं थिरां खालामनो हायासै
नाहर गुदियाव जिरायना लामा नायदोंब्लाबो
थिनाय आर'नाय गामसाजों समायहोनो
रंजालि बैसागुआव आंखौ,

आं मिथिगौ नों गोबां गेग्रेबनाय
सानैनि जानथायजों आरो गोबां खेब
रंजालि बैसागु नुजा हायैयाव,
हास्थायनाय आय-आफा,आदै आमायजों
नख'रनि अनलायनायखौ बेखेवनो,
गोरोबथानि सानस्रिखौ गोजोर लाखिनो
फोरमायनो बयनोबो थुलुंगानायनि बिदिन्थियै
नाथाय नों हास्थायनाय बादियै
जेबो बेरखांथिनि महर गाहोनो
नुजाथि हैनो हानाय जायासै,

थेवबो नों रंजादो मोसादो आय- आफाजों
बोर बिदो गसायनाव गोग्गो देहा बयनिबो
गोरोबथानि बुब्लि बयजोंबो मोनसे नोजोर
अराय हेंथा गोयै समाजजों थांना थानो,
आरोबाव बि नों निमाहा
मैनालि,सेवालि नोंनिनो बिलोगैनाव
माखासेमानि जिवनि जेंनाखौ
बोखारनो हायैनि जाउनावनो,जे
बिसोरनि नोजोराव फोथायखेबस' जानांनाय
गुबै जाहोननि बेखेवथिजों।।

अजित बसुमथारि, चेन्नई 600119