दासिमबो आनज्रायनाय

दासिमबो आनज्रायनाय "
(आर'नाय 10-09-2017)

बिदिन्थाया नेथ'थाराखैमोन
जेबो भावथिना होना सुबुंनो
रोखा फैफिनहायैनि बेखेवथिजों,

आखायाव गंसे आबुं सोहोरनि थांखि
गोजौ मुगाजों सिनायजायैयाव
बेमा खांकमानि उदां गिदिंनाय नुथाय,

दिनै आं आनज्रायनाय आंगोनि
थांना थानायनि नुथायखौ
ओंथिगोनां सावगारियै महर गाहोनो,

मिजिंनि गंसे आबुं देराय़ाव
हायाखै थांलाय फैलायनि लामा दोंसे
खान्थिजों आखाय हमनाय उनावबो,

बेनिखायनो
हमथादों गिदिंफिननायनि आगान
गोबानांदों दुखु दाहानि भावथिना
थिनाय मिजिंखौ मोन्नो ।।

Ajit basumatary /Chennai