जिवनि आद्रा खन्थाइ

"जिवनि आद्रा खन्थाइ"

नोंखौ सिमांआव दोन्नानै
दावगानाइनि मिजिंआव
अन्नाइ गोसोनि आब्रा आखुवा
दिनैनि बुब्लियाव
नों मानो गावनि आंगो अंगखौ
दोनखोमानो नाजाबायो...?
रोजासेमानि मिजिंफोरनि गेजेराव
फारनै गोरबोनि गोरोबथा खुन्थियाव
खाजानाय गोरा फाखोनि रादाइखौ
नों गावनि आखाइजोंनो
जोथोन लानायनि थांखियाव
मानो सोमजिहोखो
जोंब्लावनाय अरनि गुथाल...?
जिवनि मेथाइ
गोरोबथानि आगानजों
देंखो होनायनि थांखियाव
गोसोम सानस्रिनि मोखां
नों मानो फोद्लाना होखो....?
नोंनि -- आंनि
जिवनि गुवार दुब्लि
दानसोरां नागिरनायनि लामायाव
उदखारि महरनि सावगारिफोरा
मानो बोजाफैयो दा गले गले...?
जुदि, नों दासिम्बो बेखेवोब्ला फुं-मोना
गोरबोयाव आसि सोमब्र"ना लिरनाय
"जिवनि आद्रा खन्थाइ"खौ।

      *अजित बसुमथारि
        *माइनावफख्रि