दाहा

"दाहा"

रानलांनाय फोथारबादि, बिनिनो दाहाजों
आं नानिरबायो गुवार बुहुमखौ गाग्लेमना
नोंनि गोमालांनाय अ'न्नायखौ मोनफिन्नो,

नेनानै दं आं-
बालाहामानि गोरबोआव
गांहाबनाय फानफेबालि बादि
नों जाख्रिसे अ' खा जाना फैगौबा
फागुननि बारजों नों अ'न्नाइ होफैगौबा,

सुदेम बिलिफां दाबो नागिरो आं
रोजाबनो गोरोबथानि दोंसे आबुं मेथाइ,
नों आंनि गोरबोआव दांग्रोमब्ला मोनगोन
नोंनि थाखाय सुजुनाय खन्थाइ मेथाइ
आरोबाव सिग्लाबनाय लाइजाम
जेराव दाहानिल' बेखेवथिजों दानाय।

जिंगा आरो दाहाजों आं गब'नाय दाबो
थांना थानांगौनि मिजिंखौ लाना
बेखायनो नों फैब्ला
जिव थांनाइ गोनगौमोन
थांखिया उदां बिरगौमोन
थफ्लासे ख'न्थाइ मेथाइफोरा
बयनिबो आखायाव आंगो जागौमोन
आबुं म'हर होयोमोनब्ला ख'न्थाय-मेथाइ !

AJIT BASUMATARY, Chennai