द'र्जा

"द'र्जा"
(आर'नाय 10-09-2017)

हाजासे दोनखोमानो नाजादोंमोन
खारग'हानायनि भावथिनाजों
बियो ग'ले - ग'ले
गेवनांनायनिफ्राय जेबो बुब्लियाव ।

ज'रासे मेग'नाव
दाहा गेलेनायनि खोथा बुंना
एंगारनो नाजादोंमोन सैथोखौ हमफिन्नो
नाथाय उदांश्री हास्थायनायखौ होबथानाय
जाउनाव बियो गेवफ्लेनांदोंमोन हुखुमाव ।

नुनानैबो नायनो हाया
आं बिखौ उदां खालामनो
बिबो गावखौ दोनखोमादों
मानोना खेंफोर हाथारा सैथोखौ,

गैय़ामोन अ'न्नाय निमाहा मोखां
रानिआवबो गोरोबथानि महर सोरजिनो
जाउनाव दिनैसिम गंसे द'र्जा बादि
खेवजादों गोसोबादियै बयजोंबो ।

* Ajit Basumatary
*CTS, CKC, CHENNAI