लैथोमानि मिथिमोनै दाहा

||लैथोमानि मिथिमोनै दाहा||


नै लैथोमा
नोंनि गोरबो गाथोनाव आं फैदों
गोरबोनि फिन्नाइ मोनै सोंलु
नोंनि अन्द'राव नागिरनो
आं मिथिनो
नोंनि दाहागोनां गोरबोआव
लेवाद-बेलावनि बोस्थाब बोस्थाब सोबनाय
सियाल दावखाजों इनायै बोख्लाबजानाय
थेवबो नों बबे मिजिंखौ लाना
जिवनि जोबथा हां
आलो आलोयै थुंगेहोनो नाजादों..?

आं दिनैनि आवगायाबो फैदोंमोन
गोबावमानि नोजोर आरो गोसो सोमब्र'ना
मिथिमोन्नो हास्थायदोंमोन
बिखानि मुक्ताफोरखौ ह'मै ह'मै नों फासि होनांनाइ
दा आंनि मेगन सिगांनिफ्राय मानो दोनखोमायो आरो
मानो खारखोमायो गावनि मोखथां मुलुगखौ सिखोमा सिखोमा

नै लैथोमा
बेखेवफैदो नोंनि आन्दोआव थानाय
ग्रें ग्रें बेगेंफोरनि थैसामजों रानथाबनांनाइ
दिन्दांनांनाय फालोसे मिजिंफोरनि दाहा
मानोना अन्द'राव आं फैबायथानो लुबैया
थेवबो गोरबोआ गोरबोनि खोथा मिथिनो
सहर एंगारना नोंनि गाथोनाव नोंखौ नागिरना फैदों|
_________________________

अजित बसुमथारि, चेन्नई